【嫌貴唔好買】梁祖堯出售良心西瓜 最貴賣$831全數捐抗爭機構
蘋果日報 2020/06/06 15:28
義賣西瓜土地正義聯盟梁祖堯612人道基金
（IG圖片）
在武漢肺炎疫情下，舞台劇界幾乎停擺。香港舞台劇演員兼導演梁祖堯在失業情況下，數個月前已開始在新界地方租地做農夫，最近終於踏入收成期，他準備將種好的西瓜出售，並將義賣所得的善款全數捐贈612人道基金和土地正義聯盟。
梁祖堯在社交網留言：「義賣西瓜！實在太多人問我西瓜會唔會有得賣，我決定將西瓜慈善義賣，所有收益不扣除開支全數捐贈612人道基金和土地正義聯盟。西瓜分大中小，小西瓜$612，中西瓜$721，大西瓜$831。當然歡迎再俾多啲啦！六月十四日，早上11點至下午6點。我唔知會有幾多個，14號朝頭早新鮮採摘，直送農墟！馬寶寶農墟，我親自擺檔！到時仲會有其他嘢賣，例如Ah Dee同Mike orange會賣唱，邵美君會賣手作仔，同樣全數捐出！希望大家多多支持！到時見！#良心西瓜#兄弟爬山#抗爭到底。」
西瓜售價由$612起跳，但當中深藏重大義意，包括「612」、「721」和「831」這些由抗爭運動牽起，令香港人難以忘懷的數字。梁祖堯在片段中直言「嫌貴唔好買」，他解釋：「我身處我種嘅西瓜田，過去3個月嚟，日日含辛茹苦逐棵照顧，現在每棵都亭亭玉立見得人，預產期6月12日嗰個禮拜......點解捐土地正義聯盟，因為佢哋一路致力保護香港所有農地，做好多唔同嘅抗爭工作，好想支持；612人道基金就更加唔使講啦！西瓜唔想賣太平，到時放兩個箱，你想捐畀邊個都得，呢個係底價，好歡迎捐多啲。唔知有幾多個賣，但有幾多就賣幾多，嫌貴唔好買，想食平就去超市買有農藥嗰啲，但如果想食良心農夫種嘅（拍住心口）有機西瓜，咁就支持吓本地嘅抗爭活動啦！」
-----------------------------
梁祖堯種了3個月西瓜，終於有成果。（IG截圖）
梁祖堯準備將親自種植的有機西瓜出售。 （IG截圖）
西瓜分3個價錢：小西瓜$612， 中西瓜$721，大西瓜$831 。（IG截圖）
義賣所得的善款全數捐贈612人道基金，和土地正義聯盟。 （IG截圖）
梁祖堯受疫情影響，趁失業期間做農夫。 （IG圖片）