薜家燕於新城電台主持嘅「開心大派對」，今日邀請咗錢國偉同何秉舜接受訪問，宣傳家燕姐嘅最新mv《Captain Nancy》同12月舉行嘅紅館演唱會。家燕姐嘅mv邀請咗多位圈中好友客串，又以電影形式拍攝，家燕姐話：「追看性強，多謝製作團隊，佢哋幫我構思演唱會，依家要練歌排舞，自己都有壓力，但唔會瞓唔着，因為好攰。」家燕姐話因為太忙，只有食飯時間才有空閒時間，致電錢國偉等研究製作。家燕姐表示，有唔少朋友出任演唱會嘉賓，有啲嘉賓會從外地飛返港，錢國偉表示，希望構思多啲家燕姐同嘉賓嘅互動演出，豐富內容。

精選娛聞，喺晒《娛果》
http://fb.com/appledailyent