當年今日
關於我們

【靚女晒友情照系列】李敏貞送蛋糕賀孫藝珍新片有好成績

蘋果日報 2016/11/29 14:30

李敏貞孫藝珍德惠翁主

韓國靚媽李敏貞上周一現身試映會,撐好友孔孝真、嚴智苑嘅新片《Missing:消失的女人》,當日喺後台又孖其他演藝圈好友如孫藝珍、宋允兒等人合照,張合照更被孫藝珍放上Instagram,獲粉絲大讚「靚女身邊嘅都係靚女」。
而李敏貞等人現身試映會前,已經有過一次飯聚,不過李敏貞喺噚日先將合照放上Ig,被粉絲喻為「靚女身邊都係靚女」系列第二波!今次李敏貞上載到Ig嘅相就有孫藝珍、嚴智苑同吳允兒,孫藝珍手上拎住個寫住「559」嘅蛋糕,原來係李敏貞等人為咗幫佢慶祝其主演嘅電影《德惠翁主》累積咗559萬入數人次,認真好姊妹!不過粉絲就相當疑惑點解係慶祝「559」,唔通係佢哋之間嘅暗號?