【威尼斯直擊】第71屆威尼斯影展第四日，風頭落在「教父」阿爾柏仙奴（AlPacino）身上，佢一日連續走兩場，分別去咗主演嘅競賽片《Manglehorn》同埋非賽片《TheHumbling》首映。雖然阿爾柏仙奴已經74歲，但係依然吸引人過人，首映現場聚集咗好多粉絲，爭住要阿爾簽名。

阿爾身邊又有兩名靚女，一個係同佢拍咗拖4年嘅35歲模特兒女友LucilaSola，一個係Lucila嘅女兒Camila，Lucila仲要不時騷吓事業線，同阿女Camila似姊妹多過以母女，阿爾真係艷福無邊。去完《Manglehorn》首映，阿爾同兩位美女一齊換咗套衫出席《TheHumbling》，金光閃閃嘅Camila好養眼。