大肚婆董敏莉今日去到灣仔書展為大陸網站直播，陀B接近5個月，佢話好開心，但情緒有時波動啲，前晚就俾啲眼淚整醒，佢話知道孕婦有時好感動，有時好又會好暴燥。

咁有冇試過發老公脾氣？佢話：「經常啦，不過知道大肚有呢啲時候，會收儉啲。」不過董敏莉都好好，冇恃住「女王」身份有風駛盡艃：「我怕第時自己受番，始終呢啲先係相處之道。」讚老公好，又煮飯又做外賣仔，想食乜都叫佢買。

大肚婆仍然要工作，董敏莉話：「老公冇特別叫佢減產，不過叫我唔好咁勞累，應該呢排都有啲腰骨痛，成日都要小睡一陣。」之前佢貼咗張有粉紅色衫仔相，咁係咪宣佈陀女？佢話：「驗血都知道性別，想照埋先話俾大家知。」準備好BB房未？佢話：「唔係好瘋狂咁買嘢，但開始都睇BB用品同刨書，始終BB都係第一位。」大肚婆總要面對一個問題，就係BB踢肚，董敏莉話：「今個星期開始喇，好似電流咁，之前講開港姐佢都好有反應，唔知將來係咪想參加。」

精選娛聞，喺晒《娛果》
http://fb.com/appledailyent