當年今日
關於我們

【韓流】姜素拉靠自我催眠Keep身材

蘋果日報 2015/09/14 06:00

蘋果香港運動行路身材即時姜素拉自我催眠

韓劇《未生》女星姜素拉對腳又長又直,究竟佢係點樣keep住身材嘅呢?原來係靠自我催眠控制食欲加運動,尤其係行路內外夾攻!

喺噚日播出嘅節目《SectionTV演藝通信》中,姜素拉透露平時自己好鍾意騎馬、游水等等運動,「我主要做伸展運動,平時好鍾意行路,所以有得揀都會行。」即係話盡量唔搭車,行多啲唔好成日坐喺度唔郁。

至於美食當前,姜素拉又會點樣忍口呢?佢話:「我會喺手機度寫低想去食乜,想去邊間餐廳又或者邊間壽司店,然後進行自我催眠,同自己講過一陣就會唔記得,再堅持一下。」