內地男星文章早前被爆婚外情，指佢背住妻子馬伊琍，偷食小三姚笛，搞到滿城風雨，馬伊琍心情難免受影響，佢當時又憔悴又落寞，不過馬伊琍最終選擇原諒老公，早前有網民發現戴上口罩嘅文章，手指疑似骨折，喺老婆馬伊琍陪同下睇醫生，惟當時馬伊琍就冇乜表情。

另外，內地傳媒近日又發現文章單拖現身西安某超市買豬肉，當日佢着住藍色間條T恤，配牛仔短褲兼踢拖買豬肉。
此外，日前文章現身上海虹橋機場，當日佢着住運動服，兼戴晒帽，落車後文章戴住口罩包到冚，然後低頭急閃，似乎唔想畀人發現咁款。