【韓流】T-ara前成員望再次出道 雅凜:曾住院一個月接受心理治療
t-ara雅凜The Unit
雅凜參加《The Unit》,力爭再次出道嘅機會。
韓國女團T-ara嘅23歲前成員雅凜,2013年退出T-ara並以個人身份進行演藝工作,但之後一直未有推出新歌。近日雅凜參加新節目《The Unit》,力爭再次出道機會。於前日首播一集中,雅凜就透露退出T-ara後,曾因情緒問題而住院治療一個月。
雅凜以T-ara成員身份活動時,爆出連串是非,遭前成員花英杯葛,又被爆出跟男團WINNER退團成員南太鉉嘅親密合照,而雅凜更曾於網上公開詭異照,留下「大韓民國嘅人都想殺我」,當時已被指雅凜情緒不穩。
雅凜於節目中回應當年有關T-ara成員不和嘅傳聞:「我雖然唔可以否認(成員不和),但就好似家人之間都會吵架,唔係嗎?成員間都會吵架呀!只不過當時姐姐都好年輕,而我年紀又更細,於當時咁敏感嘅情況下,彼此之間唔對話嘅情況於網上傳開,大家就開始話我被孤立。」
至於網上公開嘅詭異照,雅凜解釋係因為萬聖節,但之後被指精神異常,反而令佢得了「社交恐懼症」:「當時變得好怕人,覺得別人好似怪物,為此曾到醫院接受心理治療一個月。」
更多娛聞,喺晒《娛果》
http://fb.com/appledailyent