許廷鏗今日喺商台宣傳首次同雷頌德合作嘅新歌《恐怖情人》，新歌講述細水長流嘅愛情，佢話o依家好多人會覺得一片痴心會嚇親人：「好似首歌個MV咁，其實係真人真事改編。女主角因為癌症已經離世，不過男主角雖然唔係香港人，但係都留喺香港繼續生活，好傻同天真到一個地步。」許廷鏗坦言對愛情，佢未必會咁傻，但係自己由牙醫轉去做歌手，都係一種傻。

佢又話好想借呢首歌，令大家諗返最椎心嘅經歷：「我都有諗起初戀，都維持咗3年幾，嗰時仲會談婚論嫁，其實都傻得幾可愛。」許廷鏗仲話o依家都會諗，唔會咁純粹：「始終係藝人，會諗人哋因為我係許廷鏗而走埋嚟，定係真係想識我呢個人？不過我唔急進，啱就啱。」

精選娛聞，喺晒《娛果》
http://fb.com/appledailyent