MandyLieu0依家就同男友周焯華（洗米華），仲有兩人嘅B女等喺布吉度緊假，有指佢新年會返香港、更加會帶埋B女去見「未來老爺」。據悉，Mandy確已計劃回流香港，但今次佢哋去布吉純粹為旅行，之後Mandy帶個女返英國先，待洗米華搞妥離婚手續先返香港，所以今次佢母女二人係冇計劃返過香港過年。

本報今日致電Mandy模特兒公司生意夥伴李月（Bobo），Bobo就話唔清楚Mandy同洗米華去咗布吉：「我都掛住佢，都希望佢早啲返嚟，不過我唔知佢時間表，同佢都好耐冇聯絡，所以冇乜update。不過知佢應該幾開心，過年我都會sendmessage祝福佢。」