2013年已經係o靚模嘅梁晶晶（Bonnie），當年出寫真就借柯震東上位，今年書展Bonnie再出動，終於唔使靠緋聞。

Bonnie早排影咗本新寫真，準備參加今個月底嘅書展，仲搵埋葛民輝合作，已經有好睇頭？未算！因為重點係：Bonnie今次係三點盡露！

呢次大解放，全祼特照SunnyLau拍攝，以為Bonnie乜都唔着咁簡單，仲要俾阿葛用墨水淋到成身濕晒。其實Bonnie身材都幾有睇頭，就算成身墨水一對車頭燈都仲好清楚，不過就掩飾唔到佢個小肚腩同一對粗髀。

《蘋果》今日就搵過Bonnie，佢話真係要好多謝阿葛：「佢出心出力，乜都出齊晒咁去做呢件事，成個過程佢都好細心照顧我，今次真係好THANKYOU佢。當初聽到葛爺呢個構思，我真係不惜一切都要做呢件事，乳貼打底褲乜都冇，赤裸裸咁影都冇．問．題。」

提到拍攝過程，Bonnie仲話有少少尷尬：「成隊crew都係男仔，葛爺一路同我講個構思，我warmUP咗10分鐘之後，知道Sunny會點樣影啲相同拍片，出到嚟個效果好靚好滿意，我一定會好好報答佢哋！」