出演韓國選秀節目《PRODUCE 101》男團版而出道嘅限定男團Wanna One，下個月3及4號將會首度襲港喺亞博館開騷，當中主辦早前就公佈五大福利(相關連結： http://bit.ly/2hkvNdz )，今天主辦就喺Facebook公佈福利分配方法。

而當中粉絲要喺下周四及五喺指定時段報名先可以有機會獲得福利，會以先到先得形式獲得，相關詳情請留意主辦嘅網站 http://bit.ly/2xwOVio ，而主辦方亦對活動保留一切爭議嘅最終決定權。不過有唔少已購票嘅粉絲就喺主辦網站留言，擔心福利分配唔公平。

另外，根據韓國傳媒報道Wanna One嘅姜丹尼爾、邕聖祐以及EXO嘅伯賢等將會出演新綜藝節目《Master Key》，一眾藝人將要挑戰逃出房間嘅遊戲，預算本月底進行首個拍攝，並於下月14號首播。