在城市大學修讀國際商業及日本研究的Sammi將於11月畢業，並決定全身加入娛樂圈，最近在無綫及J2台主持節目，Sammi坦言：「做主持覺得幾得意，都想拍劇，我唔係三分鐘熱度嘅人，下過苦功想睇吓會唔會再好啲。」

早前有拍過《結．分＠謊情式》的經驗，Sammi知自己的不足，有舞蹈底子的她再自費學唱歌、功夫，為突如其來的機會做好準備，她說：「把握好每個機會，就算係配角或客串，只要將角色做好，觀眾、導演、監製都會睇到我嘅努力，亦對自己有交代。」
Sammi更大膽將目標訂得更高更遠，她笑說：「嘟姐鄭裕玲係我偶像，佢好有內涵，腦筋轉得又快，好早就攞影后，樣樣都有能力，我好想似佢咁雙線發展。」

Sammi認為目標定得這樣高，才令自己更有動力去衝，Sammi坦言自己是因一份堅持而半工讀到大學畢業，故認為堅持很重要，否則浪費之前的努力，現在將此心態放在自己的娛樂事業上，望闖出一片天。
攝影：葉君海　採訪：羅美倫