上個星期講過個隻華豐環保紡織（364）終於喺上星期三公布業績，可能因為之前一個星期已經升咗一成有多，加埋今次派嘅中期息唔多，所以股價一度跌落一個星期前嘅開車位附近。不過上星期五收市時，隻股仔已經爬番上嚟，伏勝問番報料個朋友，佢話之前個批股計劃重會繼續，目標價仍然未改，不妨繼續跟進。隻股仔上周五收市時唔肯再跌，班大戶似乎重未走人，加埋尚未跌穿10日線，伏勝認為不妨睇多一陣。
呢排個市炒得興起，唔單止係因為沙士喺香港已經受到控制，而且重傳緊話有一批國內資金流咗入嚟炒港股，佢哋對於紅嘢特別有興趣，尤其係啲民企股，上星期就有兩日炒到癲晒，全拜佢哋所賜。