【本報訊】情人節生日理應浪漫倍增，但對於昨情人節60歲大壽的一名的士司機卻是驚險萬分。壽星公駕駛空載的士經油麻地西九龍公路時失事，狂撞路中風琴式防撞欄，的士車頭毀爛衝前打轉20米才煞停，幸他有驚無險僅扭傷手無大礙，事後還樂天地說：「冇乜事咪當係生日禮物囉！」
情人節生日的司機吳華作，48年2月14日出世，昨日剛好是他60大壽。吳是夜更的士司機子女已經長大工作，但仍以租車謀生，未有退休之意。吳講述事件經過稱，由於生意麻麻，昨晨3時許在荃灣落客後打算出尖沙嘴兜多兩轉。當的士沿西九龍公路左二線南行，至尖沙嘴與西隧分岔口時突然失控，狂撼路中風琴式防撞欄，跌出鄰線打白鴿轉衝前20米才煞停。的士車頭毀爛，防撞欄的配件被猛力撞爆飛出路中，幸吳有驚無險只扭傷左手，自行落車走到路邊報警求助。

「60歲冇乜氣吹波波」

吳事後自嘲：「懵吓懵吓，都唔知行咗去邊！好彩有個防撞欄，否則成架車飛起都似。」稍後他向警方稱，為閃避切線車輛扭軚導致失控，警方正展開調查。他進行酒精呼氣測試時又自爆：「生日先搞啲咁嘅嘢……我今日60歲，冇乜氣（吹波波）喎！」要吹氣兩次才成功，結果顯示他並無飲酒。
壽星公事後透露一向不重視西曆，只會在農曆生日才慶祝，但既然是情人節也會跟愛妻品茗慶祝一番；他還樂天地說：「冇乜事咪當係生日禮物囉（車禍無傷）！最多咪冇咗筆按金，個車主慘啲！」相當幽默。