陳曉東、謝婷婷及徐濠縈昨晚現身太古坊的活動,陳曉東透露8月底再做父親:「今胎都係女,今次返香港幫大女做回鄉證。」提到他太太再生多一名BB,他笑言有壓力:「驚小朋友教得唔好,不過生女好,大女好黐我,太太都呻醋,諗過叫B女做陳羊羊,屬羊同自己夾。」
婷婷澄清早前指她與6呎猛男約會,她表示:「佢係我加拿大同學,我係佢嗰女嘅契媽,之前上咗佢屋企玩,幫佢沖涼。」對於四哥在電視節目中表示少見一對孫仔,她表示:「當然會掛住,相對媽咪會見嘅機會多啲,因為佢有一半時間喺新加坡。」此外,阿徐就透露有意再生小朋友:「有計劃過,Eason梗想生,時間無多,阿女想要個妹。」
採訪:王連連
攝影:陳俊強