新版《流星花園》飾演花澤類嘅台灣演員官鴻，噚晚喺澳門出席活動，佢話係第一次到澳門，知道大三巴好出名，希望有時間去睇下。

當年好紅嘅《流星花園》花澤類一角係由仔仔周渝民主演，劇集一出，自然有人拎佢哋兩個嚟比較，官鴻話唔怕比較：「我們不一樣，我做自己，演繹劇本角色，效果是滿意的，演出有壓力，可以變成動力，我自己不會想太多。」

自稱單身嘅官鴻被問到鍾意咩類型女仔?佢話：「這需要在生活中，遇到令自己心動的人，港、澳女子也不排除，講求感覺，不會溝通不到，我中、英文也ok的。」至於新F4嘅未來工作計劃，佢就話有大陸劇傾緊，希望盡快再有自己作品出現。

精選娛聞，喺晒《娛果》
http://fb.com/appledailyent