日本尊尼事務所組合NEWS成員手越祐也，多年來嗒盡圈中女星，日前佢再爆桃色新聞，更被昔日床伴公開事後床照。噚日，NEWS喺東京巨蛋舉行巡唱尾場，其間手越有感而發話：「呢幾個星期，難得地跌到落谷底。」當唱到Encore時，手越得到粉絲熱烈支持，笠住頭嘅佢更用毛巾遮面，感觸落淚，連隊友小山慶一郎都喊埋一份。

NEWS今次巡迴騷共開26場，累積達34.1萬觀眾捧場，手越對粉絲不離不棄自然十分感動。