無綫劇《仁心解碼II》李亞男嘅離奇除黑絲事件有新進展！

話說噚日《仁心II》第三集就講述蔣志光嘅女兒（麥皓兒飾）被非禮後，對男人產生恐懼，不過好彩有李亞男陪佢度過難關。李亞男著住米白色裇衫、黑色裙再配黑絲襪企喺飯枱旁，之後鏡頭一轉，話咁快李亞男腳上嘅黑絲已經唔見咗，露出一雙白滑玉腿。事後有唔少網民認為係無綫嘅穿崩位。仲有網民笑祖藍，話李亞男喺另一個男人屋企除黑絲，等同幫祖藍戴綠帽﹗

李亞男仲未就呢件事作任可回應，不過佢男友王祖藍呢，已率先為事件解畫。佢喺微博見到有人講呢單嘢，貼埋圖；因為牽涉到女友，所以佢都寫咗一段文字主動回應： 「其實她沒有穿絲襪！整場戲是一次過拍攝的，上圖只是燈光問題多了陰影，請各位留意，下圖的傢具因燈光問題左右的顏色已經有不同深淺了，不信的話別只看圖，到mytv看原版視頻吧！我們很需要大家糾正，但請不要矯枉過正，雖然，她雙腳太長。」 究竟係咪真係好似祖藍咁講，係燈光問題呢，大家自行上網睇番啦！

不過亦有人話，祖藍呢段文字，目的得一個，就係話俾大家知，李亞男條腿好長；而佢，係李亞男男朋友﹗這些機會，不是蔣志光的﹗至於李亞男，當然有回應啦，佢話﹕ 「多謝你的細心澄清﹗」




「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum