當年今日
關於我們

【韓流】張根碩冇偷懶 東京巡視業務

蘋果日報 2015/09/24 06:00

蘋果香港生日張根碩即時澀谷原來是美男巡舖巡視業務

後日係韓劇《原來是美男》男星張根碩嘅28歲生日,不過呢位壽星仔冇偷懶,唔係只識得掛住玩,早排佢去咗做義工,而日前佢仲飛咗去東京巡舖,親身睇實自己盤生意搞成點。

呢一日張老闆好有星味,戴住黑超、着住短褲去到自創品牌位於澀谷嘅多層店舖,入面有好多嘢賣,仲有咖啡店,女士想修甲咩?都得。張根碩喺店內行來行去巡視業務,仲似乎好鍾意張紅色梳化,坐咗好耐。當佢見到fans寫畀佢嘅留言多到貼滿成幅牆時,仲企定定慢慢睇,話好多謝大家嘅生日祝福。