「點解我會變咗一個貪錢嘅人，點解你哋講到我好似俾人包咁樣呢？」

「我從來唔會因為錢而搵男朋友。」

第一句係唐詩詠流下一滴珍貴眼淚、否認因接受洗米華周焯華愛將盧啟邦追求而與洪永城分手。

第二句係松岡李那噚日於fb出post，稱自己唔係一個為錢而搵男朋友嘅人。但此post已刪。

今日《蘋果》娛樂即時獨家披露Mandy Lieu因不滿洗米華同松岡仍有交往，故透過 WhatsApp「聯絡」松岡，要求佢唔好再纏住洗米華。

據知Mandy之後再搵洗米華，講明唔喜歡佢搵松岡，但男方未有理會，消息指佢噚日已出發，同松岡坐私人飛機出席友人婚宴。

至於松岡個fb post，噚日post嘅，內容除咗話自己唔係一個拜金嘅女仔之外，仲有其他嘢講。松岡話，近日關於佢嘅新聞造成好多騷動，又指炒作故事，令其大感驚訝。

松岡又稱，「我從來不會因為錢而找男朋友，只會因愛情而愛一個人，這才是理想當然的。」並表示朋友家人都會十分明白這點。

最後松岡寫道:「我相信時間會證明一切。」

可惜呢個Post經不起時間考驗，半小時後已刪。