麥浚龍(Juno)三部曲近日喺facebook瘋狂洗版，其中Juno同謝安琪合唱、黃偉文(Wyman)填詞嘅《羅生門》更加被網民捧為神詞，喺YouTube短短幾日已經有過百萬點擊。

呢首歌引起唔少人共鳴，有人話，呢三部曲，根本就係做「兵」嘅心聲，但又估唔到，收兵無數(好似係)嘅Liddy(李悅婷)，都有共鳴。

曾經同導演彭順爆出婚外情嘅Liddy，噚晚喺微信貼咗《羅生門》歌詞，話:「我已很久沒有留意過現今的流行歌，更不用說歌詞；共鳴過，認真了解過，po過，突然回想起...謝謝在不得不推着向前走的同時找回最初的那個……」唔通Liddy所指「那個」，邊位？鍾唔鍾意送哈囉吉蒂俾女仔？

Liddy透過WhatsApp就話喇:「其實一路自己感情啲嘢有小小嘆息，冇指名道姓邊個，因為一路拍拖有唔同感情唔同經歷。Wyman啲詞寫到好到肉，首歌又好聽，所以我咪留意囉。」原來喜歡一首歌，也可以增加曝光率0架……