當年今日
關於我們

【青出於藍】阿仔拜李泳豪為師學車 錢小豪:相信家樂仔會俾姪仔過頭

蘋果日報 2017/06/14 16:22

錢小豪父親節姜大衛

姜大衛同錢小豪今日去到香港電台出席父親節活動,佢哋異口同聲話平日好少留意父親節,其中小豪話:「差不多所有節日,兒童節、母親節都係爸爸負責畀錢。」佢透露囝囝最近由玩小型賽車轉到玩飄移:「佢最近跟李家鼎個仔李泳豪去學,咁做爸爸嘅又要支持吓佢啦。」
問到個仔揸成點?小豪話:「佢好叻,揸得叻過我,好有天份,比阿叔錢家樂仲叻,相信有朝一日家樂仔會俾姪仔過頭。佢仲同我講希望有朝一日可以揸F1,我做爸爸聽到就真係好痛苦,但都會盡量back up佢,希望有朝一日有成就。」
另外,已經有4個孫仔嘅姜大衛,同樣話一向不大着重父親節,下個月就70大壽,問到會點慶祝?佢話:「都係會同屋企人食飯,唔會特別大搞啦,因為可能要開工。」
empty
錢小豪同姜大衞今日去港台出席父親節活動
empty
兩人都話好少留意父親節
empty
姜大衞下月就70大壽,但佢話唔會大搞。
empty
錢小豪話個仔最近由玩小型賽車轉到玩飄移(資料圖片)