宋熙年今日去到商台，李居明師傅為佢睇運程，佢透露問咗創業計劃同生兒育女最佳年份。當聽到師傅指佢夫婦兩人今年有創業運之後，就好似打咗支強心針，佢話：「我哋一直諗做多啲儲奶粉錢，心目中諗緊做時裝定小朋友語言教育中心，培育下一代。」

至於生B大計，師傅指最好年底至明年初，宋熙年就透露生意籌備半年至九個月，最重要係尋找到有興趣嘅生意去做，並非只為錢；但佢最擔心係夫婦間本身都係有主見嘅人，當傾到構思或計劃上，如果遇到問題都會互相遷就。