日本富士電視台嘅「月9」檔重頭新劇《民眾之敵》由篠原涼子孭飛，陣容有高橋一生、前田敦子等，會接《Code Blue 3》棒於10月開播。《民眾之敵》由開拍以來都引起唔少網民及觀眾討論，因為撞正近期當地嘅政治敏感時期，劇情以選舉作為題材，篠原涼子飾演嘅女主角本來係個平凡主婦，不過佢為賺錢竟然走去參選議員，繼而發現社會及政治界不同問題。

《民眾之敵》原定10月16日播出，不過日本眾議院大選於10月22日進行全民投票，由於劇中提到選舉及首集亦有選舉情節，富士方面決定避免涉及敏感問題，宣佈劇集推遲一個禮拜播出，即延至投票後第二日、即23日首播。