當年今日
關於我們

【主辦單位敏感】來港被禁唱Beyond歌 黃明志都唔明:我大髀內側仲敏感!

蘋果日報 2018/09/27 15:44

黃明志香港演唱會

憑18禁粗口諧音歌《擊敗人》,在網上爆紅嘅大馬鬼才歌手黃明志,喺社交網宣佈將於11月28日襲港開騷,假Star Hall舉行《4896世界巡迴演唱會》香港站,4896係閩南話,意思係「實在夠力」咁解,睇得出明志係幾咁有自信嘅歌手!
明志仲留言問網民,想聽邊個歌手陪佢唱《漂向北方》?呢首由明志包攬曲詞唱、feat.王力宏歌曲,在YouTube更破1億點擊,網民紛紛熱烈回覆,張學友、劉德華、郭富城、G.E.M.、MC Jin、陳奐仁都有人提議,不過,最多like嘅留言係:「如果你問的是香港本土,和你一樣不畏強權的歌手,我會說:何韻詩、黃耀明!」
35歲嘅黃明志出道10年,因為歌曲題材諷刺時弊,加上性格敢言,不畏強權,經常被大馬衛道之士抨擊,15年佢嚟香港做騷前,就在fb自爆被「香港方面」要求簽署一張聲明,承諾訪港期間不得評論或提及馬來西亞政府或中國政府。至於今次《4896》演唱會海設計玩味十足,黃明志被蒙眼兼自製「X」手封口!
明志仲拍咗條片講今次港騷,自爆上次被禁唱Beyond歌:「呢次演唱會我真係好期待同興奮,因為上次香港做騷係三、四年前,好多人唔知呢次係幾艱難幾辛苦先做得到,你哋知啦,嗰啲人好麻煩,所以呢次我好珍惜好期待同香港歌迷唱歌,但仲有啲嘢我係好擔心,因為上一次我嚟香港做騷,叫我簽封信有乜唔講得唔唱得,我覺得有啲好笑,上次佢哋建議我唱廣東歌貼地氣,所以我揀咗偶像Beyond嘅《海闊天空》、《光輝歲月》、《Amani》,但佢哋又唔畀唱,話好敏感唔唱得,我真係唔明白有乜敏感?我個乳頭、大髀內側仲敏感,真係好陰功!所以今次都係好煩惱,大家鍾意聽我唱乜嘢廣東歌,你哋可以點歌,我試吓申請邊首可以畀唱。」 
影片連結:  https://bit.ly/2NLANLy 
《蘋果》問到今次演唱會嘅內容,宣傳人員回覆:「內容一定有大家識唱識yo嘅歌曲,相信到時會有情侶嚟睇騷,所以有part特別為情侶而設,大家估唔到黃明志會咁溫馨!」
精選娛聞,喺晒《娛果》
http://fb.com/appledailyent
empty
貴飛$888炒到$1,488(網上截圖)
empty
蒙眼封口拍個唱海報