《第十六屆華鼎獎》今晚喺九龍灣舉行，一眾藝人陸續到場，喺紅地毯環節，薛凱琪就著咗一件大DeepV非常性感，佢講笑話：「今日好安全，用咗成卷膠紙，因為件衫實在太DeepV，所以要用多啲膠紙。」記者問到阿Fi前面係唔係好少露，佢就不停笑，以為記者笑佢冇身材。而今日阿Fi會同余文樂一齊頒最佳男配角。

而溫碧霞都係性感現身，佢今晚就會頒發最佳動畫，問到點解唔同埋老公一齊嚟，佢就話：「怕老公悶，所以唔帶佢嚟喇。」