區議會大戰在即，建制派未如之前宣稱向泛民大打政改「票債票償」政治牌，反而相當低調。有泛民地區人士說，建制派一向在區選打地區工作，盡量避開政治議題，但最令泛民大惑不解的是，既然建制派不想在區選挑動政治議題，為何京官、特區政府又要接二連三「炒熱」特首超然論、港大副校任命等政治議題？
有泛民地區人士直言，泛民除03年7.1遊行後的區選贏過建制派後，一直在區選遭建制「㩒住砌」，而雨傘運動令社會分化，難以團結社會反政府，「只要（建制派）唔出聲搞地區嘢，令社會有咁靜得咁靜，要再砌低泛民可謂十拿九穩」。

激起中產投票

所以當泛民看到京官突然炒熱特首超然論、香港非三權分立、還有挺政府港大校委以近乎反智理由否決陳文敏副校任命，「對基層市民嚟講，或者冇乜影響佢哋區選投票取向，但對好多中產選民嚟講，就會有影響，唔敢話一定益泛民，但肯定增加推動佢哋出嚟投票動力，對泛民始終有好處。」只要看看有份出戰區選、一向勇猛的經民聯梁美芬，在記者提問下也拒談陳文敏事件，就知建制派不想與政治議題拉上關係。
有泛民認為隨着下周立會復會，北京與CY難保又會挑起其他政治風波，「你知CY一向好鬥，到時建制派又要挺梁，就算幾難睇都要硬挺政府，對佢哋區選選情可能有影響」。到底京官、CY想幫還是害建制派？三個字：耐人尋味。
周一、三、五刊出
季陶