不過,收到老頭子order後,開心唔夠一個禮拜,「舊舊」就遇到挫敗,話說甚少落手落腳嘅佢,真係畀心機搵自己啲蒲友攞意見,以為呢啲大龍鳳,搵娛樂圈中人度橋實冇衰,殊不知老頭子話就話浸過洋水,性格西化,但骨子裏同其他華資家族老一輩一樣,講就交晒畀你搞,但個個proposal都ban晒你!
響連續十幾廿次俾老竇彈橋後,「舊舊」成個人謝晒,於是死死地氣班救兵!聽溜冰場辛康納利講,有間公關公司一路有湊開佢哋,某日成個失戀樣嘅「舊舊」,殺上去乜都唔講,淨係order嗰位老闆灣仔女強人,幫佢搞掂佢老竇,仲話唔使再話佢知搞成點云云!