【新增內容】
中國U20國家隊，亦即係將會出戰2020年東京奧運男足嘅國奧隊，將會喺來季出戰德國第4級別聯賽。

德國當地傳媒喺周四報道，聯賽會方面已經同國奧隊達成協議，即將會簽訂合約，國奧隊來季將會參加德國第4級別聯賽西南區賽事。國奧隊會同呢個聯賽其餘19支球隊進行聯賽，但由於國奧隊球員身份特殊，有關佢哋嘅成績係唔會計算係聯賽爭標度，至於具體比賽賽程同進行方式，就有待進一步研究。

人家肯畀你去佢哋嘅地方踢波，課金就梗係少不免。據報國奧19隊對手每支球隊都可以收到大約15,000歐元（約13萬港元），即係大約課金250萬港元就可以玩一季，對窮到只剩錢嘅強國，算好抵呀。