今日張智霖(Chilam)同阿Sa(蔡卓妍)就喺《蘋果》娛樂直播節目《今日ENT》，講到佢哋喺片場發生嘅靈異事件，而佢哋之前就一齊參與拍攝邱禮濤執導嘅驚慄電影《常在你左右》，有網民就好想知佢哋拍鬼片其實驚唔驚㗎呢？其實過程又係點？有冇試過拍完瞓唔着覺？

Chilam就話拍嘅時候就唔驚嘅，因為佢哋會好清楚每個步驟，同埋有好多人喺到㗎嘛。阿Sa就續說：「唔係太驚，因為打晒燈，最驚係啲人叫我做阿佘，叫阿佘做阿Sa囉！好靈異呀呢件事。」

咁阿Sa同Chilam合作，好多網民就話佢哋好合襯，問佢哋戲中會唔會有感情線喎？阿Sa好決絕咁話：「唔係！」Chilam話：「其實我哋唔係，我係一個報恩嘅角色，或者可以叫做償還嘅角色，但如果我講得太多就會劇透喇，總知就唔係啦！」