當年今日
關於我們

隔牆有耳:財爺訪前海先飲番杯 - 李八方

蘋果日報 2015/11/06 00:00


前海呢個大project,中央都好重視,唔知若然幫手推動得好,做特首嘅機會係咪會提高?
被國家主席習近平金手一握後,人氣急升嘅財政司司長曾俊華,今日就會到深圳前海訪問一日。
佢此行唔係單拖,而係同埋香港嘅商界人士,一齊參觀前海展示廳、前海e站通服務中心同前海深港青年夢工場等設施,了解前海嘅規劃同發展。
據聞工商界有成卅幾人參加,佢哋亦會同進駐前海嘅港資企業交流。
嗱,勞師動眾上得去,唔係齋睇就算數啩?
查實喺深圳期間,鬍鬚曾亦會拜訪深圳市委書記馬興瑞同深圳市市長許勤,同日傍晚返港。
而佢噚日都連走幾場,包括去咗香港國際美酒展開幕禮(圖),似乎同美酒有關嘅活動,都能吸引到財爺嘅關注。