SonyEricsson的T系手機又添一新成員，剛剛於官方網頁公布的GSM900/1800雙頻新機T100，擺明主打年輕市場，屬於平價機種。
記者：招佩珊
機身外觀以白色為主，屏幕面板及鍵盤位分別用上藍、紅、金3種顏色配搭，睇落又的確幾Trendy，相信能夠討好一眾年輕用家的歡心。話明攻年輕人市場，玩味十足功能當然唔少得，備有可附加圖像及聲音的EMS功能，用家亦可自行編輯圖案。新機約重75克，雖唔及同門最輕的T66（59克），但相對其他型號亦算相當輕磅，何況體積只有99×43.5×17.7mm，只比T66的92×41×20mm大些少，不過T100的機身厚度就比T66更薄，相信是SonyEricsson手機中最薄的一部，新機預計於今年第四季上市，而T102則是於中國市場推出的型號。