戴歷路斯（Derrick Rose）近年飽受傷患困擾，雙腳多次需要開刀做手術，令唔少球迷都覺得佢變成「玻璃人」，未必再有能力立足NBA。不過，今夏成自由身嘅路斯，就決定以老將底薪加盟騎士，並指出自己仍然可以打波，仲話想為囝囝PJ做個好榜樣。

當路斯近日到中國瀋陽出席活動，主辦單位就更播出一段球迷特別錄製嘅短片，用英文鼓勵路斯戰勝傷病之餘，仲向呢位NBA史上最年輕MVP得主分享自己嘅故事，指路斯永不放棄嘅堅韌精神，係點樣幫助自己戰勝困境。而路斯睇到之後，都忍唔住感動落淚。