經過禮拜三晚嘅八場歐聯分組賽之後，肯定出線嘅球隊只係多咗車路士同埋巴塞隆拿兩隊，當中亦只得巴塞一定會首名晉級16強。歐聯形勢仲未大定，但禮拜三晚嘅八場波就誕生咗三個歐聯紀錄。

●巴黎聖日耳門（PSG）主場狂數些路迪七個一皮之後，喺今屆歐聯分組賽已經累積入咗24球，就算最後一場作客拜仁慕尼黑無波入，都已經係一個紀錄。
●些路迪作客PSG場波，前鋒穆沙迪比利喺開波後56秒入波，亦都係些路迪隊史上最快嘅歐聯入波。
●曼聯前鋒伊巴謙莫域喺74分鐘後備上陣，成為歐聯史上第一位幫七支球隊踢過歐聯嘅球員，伊巴之前仲幫阿積士、祖雲達斯、國際米蘭、巴塞隆拿、AC米蘭同PSG上陣過。

不過，有三個紀錄嘅同時，亦都有一項紀錄係仲未破到㗎。
●曼聯作客0:1輸畀巴素利之後，仍然係未有任何英國球隊係可以喺作客巴素利嘅時候唔失波嘅。

--------------------
開賣！《BFB》4周年限定福袋，立即去HOKOBUY入手別注版紀念道具！
http://bit.ly/2zPmZpf