荒川弘筆下嘅人氣動漫《鋼之鍊金術師》落實開拍真人版，由尊尼偶像山田涼介飾演男主角愛德華，仲有藤岡靛、松雪泰子、夏菜同本鄉奏多等陣容，電影安排咗喺明年冬天上映，今日就率先公開一個約30秒嘅預告片。

背景設定喺鍊金術相當發達嘅世界，愛德華同細佬艾爾凡斯為讓亡母死而復活，犯下鍊金術禁忌，愛德華犧牲咗右手、左腳，而艾爾就失去全身，靈魂固定喺鎧甲中，佢哋從此而展開旅程尋回肉體。

電影由日本著名嘅CG導演曾利文彥執導，預告片暫時只公開由山田涼介飾演嘅愛德華造型，但主要影佢側面同背面，未見到其他角色，片段大賣大量電影特技效果，而弟弟艾爾凡斯嘅鎧甲形態亦係全部靠CG打造。