行政長官梁振英妻子梁唐青儀同三女頌昕，下午2時許現身中環置地文華東方酒店，當時兩母女喺酒店大堂等車，戴着黑超、一身黑衣紅長褲嘅梁太固然星味十足，經常同記者交手嘅她見到記者態度從容，相反頌昕則不太習慣面對鏡頭，最初同阿媽有講有笑，跟住就擰歪面，最後仲索性用背脊「得」住記者。

幾分鐘後，專車駕到，梁太抬頭昂然步出酒店，頌昕則垂頭跟在媽媽背後，兩母女登車後由司機接載離去。