香港人好注重健康，皆因消委會今期《選擇月刊》罕見地賣斷市，因為有蜂蜜測試，驗出六款有抗生素，部份就混入糖份。消委會話，報攤嘅《選擇月刊》早兩日已售罄，好多市民走去書展消委會攤位買，結果都沽清，仲趁機吸納咗成千個訂閱會員。據講買今期《選擇月刊》嘅市民都話買咗測試嘅蜂蜜，一樽都要幾百蚊，所以好緊張呢個調查。
消委會即刻加印3,000本，估計周四再推出，如果都一本不剩，總銷量達到26,000本。《選擇月刊》唔係期期都賣得，對上一次係調查強積金嘅投資計劃。親生仔不如近身錢，打工仔每月硬供強積金，梗係關心啦。