當年今日
關於我們

【武漢肺炎●倫敦直擊】英國「佛系」抗疫 滯英港人憂釀搶購潮

蘋果日報 2020/03/18 00:10

英國武漢肺炎

英國「佛系」抗疫政策嚇怕在英港人釀「走難潮」,甚至有傳富豪派專機到英接子女回港,但同時有不少港人因一票難求或家庭工作等因素,被迫滯英,參與首相約翰遜這場政治豪賭。

《蘋果》特約記者梁琬珊英國直擊

在布里斯托(Bristol)修讀法律的黃同學稱,本來打算上周四至五買機票返港暫避,但發現已無經濟艙機票,商務艙最便宜叫價逾7,000鎊(約7萬港元),加上及後知悉其本地友人上周曾出席一個大型聚會,當中有與會者確診,「我同佢近日都有見面有親密接觸,而且港府亦宣佈咗19日起所有從英國返港嘅人都要隔離檢疫,我咁嘅情況無理由山長水遠返去隔離又增加在港親人風險,而且又有唔少功課未做完,咁一動不如一靜,自己喺宿舍隔離。」他現在盡量減少外出在家專注課業,只會每隔數天出門搜購食物及日常必需品,「每日都有同在港家人聯絡報平安,佢哋知我呢邊買唔到洗手液、口罩,一直都有寄(防疫用品)過來,所以暫時來說是可以的。」

隨着英國當局要求停止所有大型活動如球賽音樂會等,不少公司學校都要求員工在家工作或停課。四年前嫁來倫敦的港媽Candy育有兩歲女兒,英國開始爆發及宣佈一系列「佛系」抗疫政策後,在港父母每天都叫她帶囡囡返港避難,「我兩周前本來就想買(機票),但英國人老公因為咁同我嘈交,話使乜咁緊張,其實武肺同流感一樣,中咗唔會死反而增加免疫力。佢好堅持所以我都無計。」直至女兒就讀的幼兒園突宣佈停課,家附近的託兒所亦暫停服務,Candy無奈向公司請無薪假照顧女兒,「其實好多在英媽媽都有咁嘅難題,本來小朋友返學兩公婆就返工,但突然咁停課又搵唔到人照顧,係會企咗喺度唔知點算。」

Candy因此再提返港建議,其丈夫亦開始發現疫情比想像中嚴重,認為返港或是個好選擇,「佢星期一公司突然叫佢哋返屋企做嘢,佢知道後即時叫我睇機票,但直航最快都要兩星期後先有,而且好貴,成家人返去機票至少要5、6萬港紙,最後只好打消返港念頭,喺度做好自己保護囡囡啦。」Candy稱除擔心英國政府的不作為會令疫情加劇,迫在眉睫的事是應付搶購潮,「呢幾日去超市都無晒pasta同雞蛋,今朝去行過連麵粉都搶晒。好在呢邊亞洲超市反而貨源充足,米同中式粉麵都仍然好多,我估係當地人唔敢入呢類超市吧,始終在內工作嘅大多係華人。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架
empty
在英國布里斯托(Bristol)修讀法律的黃同學指,自己的口罩是由在港家人寄來。讀者提供圖片