何韻詩(阿詩)昨日往銅鑼灣出席商台小儀國直播訪問,問阿詩今年𢭃到多少利是,她說:「重未拆呀,我習慣農曆十五先拆,重有啲大嘅利是都未𢭃。」但一問她可有去緋聞男友劉浩龍屋企拜年時,她先支吾以對,然後笑說:「未啩!未囉!多數係人哋嚟我屋企,我冇去人哋屋企呀!」
見水大利
此外,問阿詩今年可有看相,測一下自己的事業及愛情運?阿詩說:「冇搵過相士,但有個朋友贈咗我幾句,佢話我事業幾好,重可以向外發展㖭。但一講到桃花就靜咗一靜,叫我要小心啲去處理。」至於怎樣才可逢凶化吉,阿詩說:「個朋友話水利我,或者着啲水色嘅衫。」
採訪、攝影:陳梅香