今個星期日係巴塞隆拿前鋒尼馬嘅25歲生日，據講佢已經準備好喺呢個大日子，向佢女友布魯娜求婚。

巴西傳媒爆料話，尼馬早喺一個月之前已經喺馬德里買定戒指，等到喺佢牛一嗰日就向布魯娜求婚。尼馬之前都向布魯娜求過婚，不過喺14年世盃之後一度分手，到最近先復合，希望有情人終成眷屬喇。

巴塞隆拿喺周六西甲主場迎戰畢爾包，之後到下周二要出戰西班牙盃4強次回合賽事，不過前鋒尼馬喺西盃場波停賽，如果布魯娜say yes嘅話，兩口子就有更多時間慶祝下。