公牛前場真係多災多難，繼前鋒保沙季初因手腕受傷喺今個月初先至復出後，另一前鋒諾亞（圖）喺上個月底整傷咗右手拇指韌帶，佢忍痛打埋周三場波，幫球隊喺贏埋速龍後，真係頂唔順，球會終宣佈佢喺周四做手術，最少都要唞番6至8個星期。支持諾亞嘅fans就要等到下年，先至可以見到呢位搶籃板猛將啦！