張栢芝一向都係愛心爆棚，佢除咗要照顧一對寶貝仔Lucas同Quintus之外，佢屋企仲養咗好多動物，高峰時期同時養咗二十隻狗，隻隻都係純種，最貴嗰隻高達8萬蚊。不過前夫霆鋒同大仔Lucas都有哮喘，所以曾經賤賣俾朋友。

不過宜家栢芝同霆鋒經已離婚，栢芝買狗癮又起喇！早前一連買咗兩隻狗仔，搞到Lucas哮喘病發作，惟有寄居栢芝媽咪屋企。今日有報道話，栢芝又訂咗隻價值萬四蚊嘅純種6個月大嘅法國鬥牛犬，又買新籠，令人擔心Lucas哮喘嘅問題。