效力皇家馬德里嘅前鋒基斯坦奴朗拿度（C朗）喺周二正式被西班牙檢察官起訴逃稅。西班牙檢察官指呢位葡萄牙球星涉嫌透過將部份肖像權收益轉移至英屬處女島等「避稅天堂」而逃稅，即使喺2014年償還約560萬歐元，佢仍涉及喺2011至14年逃稅高達1,470萬歐元（約1.3億港元），該檢察官更引述C朗嘅死敵美斯早前逃稅罪成一案作為先例㖭！不過，西班牙傳媒預計以C朗屬初犯，就算罪成都只會判刑約15個月，可望好似美斯咁「以錢代刑」。

美斯被控在2007至2009年期間，合共逃稅410萬歐元，銀碼較涉案的C朗少逾三倍。而美斯及其父去年被加泰隆尼地法院判監21個月，另美斯罰款200萬歐元，其父罰款150萬歐元；但據當地刑法，少於兩年的判監可緩刑執行，而且西班牙法庭有案例，只要無前科加上判刑少於24個月，一般都可以用罰款代替判刑。不過美斯父子依然不服判決上訴，上月底西班牙最高法院宣佈駁回美斯的上訴維持原判，父親就由21個月獲減刑15個月。