徐淑敏、袁彩雲、李思欣及裕美等前晚在將軍澳電視廣播城錄影節目《奧運玩得叻》，主持陳百祥問有工程師男友黃重生的徐淑敏：「通常啲女仔選完港姐後，都會飛起之前個男朋友。」徐淑敏聞言說：「咁有啲嘢唔變好過變。」阿叻隨即說：「咁即係冇飛到啦。」徐淑敏聞言只是以笑回應。

徐淑敏表示自己強項是玩呼拉圈，她說：「我可以玩成個鐘頭都唔跌，以前玩到條腰瘀晒，條腰最幼時得22吋半。」她透露稍後會和應屆港姐作親善探訪，她去年選港姐時榮獲旅遊大使的殊榮，今年的旅遊大使則是被指下圍肥大的何傲兒，問徐淑敏可會教對方玩呼拉圈收身，徐淑敏說：「如果佢請教我，我都好樂意嘅，佢瓜子口面都呃到人，我都好羨慕佢塊面尖長。」
此外，袁彩雲自稱精於籃球，小學二年級時曾代表校隊攞獎，不過前晚見她投籃時似仍停留在當年二年級的技術水平。
採訪：卓美娟
攝影：葉君海