【新增圖片】

綽號炒飯哥之澳洲騎師羅理雅，早前曾停賽一段時間，復出後跑過兩次賽事均無功。直至這天（19日）沙田馬場打吡日終於轉運，佢於第二場五班1400米，夥拍李易達馬房「駕迅」勝出，單Win及組合獨贏A1分別派40.5及19元。

5歲馬「駕迅」上季贏同班同程開齋後，已超過一年未勝，今仗初配羅理雅，即帶來良好效果，沿途前置，直路加速甚勁，小勝0.75馬位。馬兒至今27戰，只有兩次配非華人騎師，分別是天下第一高手莫雅及今仗羅理雅各一次，結果均能勝出，相反用華將未威過。

今次「駕迅」是羅理雅上月19日贏「閃耀駿駒」後，他一個月以來首場頭馬，而李易達季內已獲13Win，只欠三場便達標可續牌。

今場二至四名順序「齊齊健康」、「金錢炮」及「電訊大炮」，四重彩79,682元。