深水埗「桂林夜市」的「腸粉大皇」曾啟新（新哥），以小販形式賣腸粉逾30年，每年夜市的人龍不見盡頭，排隊逾1小時才可一嚐新哥手藝。他今年2月因不敵貴租，結束開業僅一年的深水埗汝洲街店舖，今日終於重歸深水埗，新舖位於欽州街，所有裝修由新哥一手一腳包辦，新店更加推新口味紫米腸粉及炸菜豬肚腸粉，未來更會陸續有不同小食，更會24小時營業。

新店開張不容易，57歲的新哥為新店勞碌了數月，坦言開業前夕最辛苦，「尋晚4點先把裝修手尾清場，5點瞓，7點半起床買餸買布，12點正式開張，辛苦吓唔緊要，希望起步後可以抖吓」。

雖然現在生活安穩，但新哥仍舊喜歡做小販，「有得揀梗係街邊生意好，唔使租金、水費、電費，又方便，推架車就得。自己仲有氣有力，無得推車就開店，但做街邊可以同街坊傾計，做舖困死咗」。新哥至今認為小販是本港特色，食環署的政策扼殺只為糊口的基層。

新哥曾以每10分鐘賣出100條腸粉叱咤「桂林夜市」，14歲跟隨父親學製腸粉，81年起於佐敦文英樓及深水埗桂林街「推車仔」賣腸粉，現時佐敦著名的「堂記腸粉」老闆更是81年跟新哥學師的徒弟。

直至97年起，小販的生存空間逐漸被剝削，新哥轉行做裝修，每逢農曆新年仍會到夜市擺檔，去年在深水埗汝洲街租下舖位，以為可以安定下來，但租金貴、人流少，「揾到租、揾唔到人工；揾到人工、揾唔到租，所以唔做喇！」轉戰欽州街，街坊價月租只需2萬多，「業主係街坊，租金平、呢間舖喺十字路口，今次有信心做落去」。新哥亦將會與海洋公園，親自落場每日製腸粉，欽州街店則會交由學徒及兒子打理。