銀行MT（Management Trainee）起薪點高，一向被視為大學畢業生筍工。滙豐零售銀行及財富管理業務見習行政人員即將於10月29日截止報名，有興趣嘅同學仔就要聽下兩位滙豐MT有咩貼士啦！

何柱堅（Kenny）同何妍樺（Sharin）分別來自港大同科大，剛剛完成第一個部門實習。回想考MT的過程，其實主要要過兩關！

第一關，同學仔首先要在網上完成測試，而根據測試結果同滙豐嘅內部評核，再會邀請合適申請人出席一個長約半天的評估日（Assessment Centre）。

至於第二關評估日，Kenny就話，呢半日時間入面會有個人面試、亦需要同其他同學仔一齊合作完成任務。滙豐之後就會根據同學仔於評估日嘅綜合表現，短時間內發出聘書。

Kenny本身係學校做開學會會長，佢就話評估日一定要表現合作精神。「唔好覺得其他人係競爭對手，因為一team人唔係淨係請一個，如果成team表現好，其實可以請晒。」至於考核內容，本身讀金融嘅Sharin就話，其實同學校平日教嘅差唔多，「唔會要你背晒Bloomberg財經新聞」，最緊要都係要有自信。

終極大Boss滙豐香港零售銀行及財富管理業務主管欣格雷都俾一個貼士，就係要做足功課，熟讀滙豐嘅背景、核心價值，話到俾人聽點解你適合係滙豐工作，咁樣勝算又高咗啦。

蘋果財經，關心你飯碗
http://fb.com/appledailyatm