吳建豪今日37歲生日，就留喺香港拍攝緊電影《潛龍狙擊》，日內埋尾就會返台灣。佢個人喺香港，應該都會同班朋友一齊慶祝，見佢今日喺IG就放咗一張擺咗花生醬同朱古力餅嘅相，唔少粉絲祝佢生日，而曾經同佢網上罵戰嘅有米老婆石貞善就冇留言。

之不過，石貞善都有喺IG留行蹤，原來佢去咗美國L.A，仲post咗幅着短裙同一對及膝長boots，大騷長蹆，似乎都好享受一個人周圍飛嘅日子。