由英國女星菲莉絲迪鍾斯（Felicity Jones）擔正嘅新片《俠盜一號：星球大戰外傳》（Rogue One：A Star Wars Story）將於下周起於各地上映，菲莉絲迪偕同片拍檔嘅墨西哥男星戴高路拿（Diego Luna）及導演加利安愛德華斯（Gareth Edwards）到日本宣傳。

噚晚，菲莉絲迪、戴高路拿、加利安愛德華斯喺六本木山出席盛大行紅地毯活動，吸引2000影迷捧場，三人由黑武士、白兵陪同出場，現場更有今集7尺1吋高嘅機械人K-2SO，場面盛大又壯觀，而日本女星中川翔子就扮成莉亞公主到場搶鏡。